Hagnýtt námskeið fyrir fjármálastjóra, stjórnendur og eigendur fyrirtækja sem vilja skýra yfirsýn yfir hvernig fjárhagslegar ákvarðanir í daglegum rekstri hafa áhrif á lausafé, afkomu og stöðu fyrirtækisins. Námskeiðið byggir á raunverulegum aðstæðum og veiti innsýn í hvernig nýta má fjármálin sem virkt stjórntæki í rekstri.

​​

Námskeiðið byggir á þeirri nálgun að fjármál séu stjórntæki í rekstri, ekki eingöngu bókhald eða eftirfylgni. Áhersla er lögð á að skilja hvernig ákvarðanir um verðlagningu, rekstrargreiningu, kostnað og bókhald endurspeglast í sjóðstreymi, rekstrarniðurstöðu og heildarstöðu fyrirtækja. Fjallað er um hvernig betri yfirsýn og skýrari forsendur geta skipt sköpum fyrir árangur í rekstri.

​​

Kennslan byggir á fyrirlestrum og vinnustofum frá fólki með víðamikla reynslu úr rekstri fyrirtækja. Námskeiðið er ekki fræðilegt í hefðbundnum skilningi heldur byggir á hagnýtri rekstrarþekkingu, umræðum og verkefnum. Þátttakendur vinna verkefni byggð á raunverulegum aðstæðum úr rekstri og fá þannig innsýn í hvernig fjárhagslegar ákvarðanir eru teknar og hvaða áhrif þær geta haft.​​​​

​

Markmið námskeiðsins:

• Að styrkja fjárhagslega ákvarðanatöku stjórnenda og fjármálastjóra í litlum og meðalstórum fyrirtækjum

• Að bæta lausafjárstýringu og fyrirsjáanleika í rekstri

• Að tryggja að verðlagning, rekstrargreining, kostnaður og bókhald endurspegli raunverulegan rekstur

• Að auka skilning á fjármögnun og samskiptum við lánveitendur

​

Staðsetning námskeiðs: Vinnustofa Kjarvals, Austurstræti 10a, 101 Reykjavík, en gæti breyst eftir fjölda þátttakenda.